श्रावण १७, मुग्लिन
अविरल वर्षासंगै आएको लेदोसहितको पहिरोले अबरुद्ध बनेको मुग्लिन नारायणगढ सडक सञ्चालनमा आएको छ । सोमबार राति देखि अबरुद्ध राजमार्ग २३ घण्टापछि सञ्चालनमा आएको हो । भरतपुर महानगरपालिका वडा नं. २९ स्थित केराबारीमा लेदो सहित आएको पहिराले सडक ढाँकिदा सयौ सवारीसाधन जाममा परेको थियो । सडक डिभिजन कार्यालय भरतपुरको ३ वटा लोडर, १ वटा स्काभेटर र १ वटा व्याक्हुको प्रयोग गरेर उक्त पहिरो हटाएको हो । पहिरो हटाएपछि मुग्लिन नारायणगढ सडकमा रोकिएका सवारी साधनहरु आफ्नो गन्तव्यस्थल तर्फ लागेका छन् । त्यस्तै नौविसे मुग्लिन र मुग्लिन पोखरा सडक खण्डको विभिन्न ठाउमा खसेको पहिरो सबै हटाएर यातायात सञ्चालनमा रहेका छ ।