शुक्र, मंसिर ६, २०८१
२ वर्ष पहिले
असोज १७, मुग्लिन
मुग्लिन नारायणगढ सडक खण्डमा आज विहान कार त्रिशुलीमा खसेर बेपत्ता भएको छ । पोखराबाट झापा तर्फ जादै गरेको बा १० च ५४४५ नम्बरको कार चितवनको भरतपुर महानगरपालिका वडा नं. २९ स्थित १७ किलोमा आफै अनियन्त्रित भई त्रिशुली नदिमा खसेर दुर्घटना भएको इलाका प्रहरी कार्यालय मुग्लिनले जनाएको छ । कारमा सवार यात्रुहरु भने आफै पौडिएर बाच्न सफल भएका छन् । घाइते हुनेमा जिल्ला झापा दमक नगरपालिका वडा नंं ३ बस्ने बर्ष ५२ को लिला भट्टराई र नीजका श्रीमति वर्ष ४० की देउकाला दाहाल रहेको र उनीहरुको अवस्था सामान्य रहको प्रहरीले बताएको छ ।
