बुध, माघ १, २०८१
२ वर्ष पहिले
मंसिर-७, बुधबार दिउँसो (नेपाली समय) अमेरिकी राज्य भर्जिनियामा एक व्यक्तिले वालमार्ट स्टोरमा गोली चलाउँदा कम्तीमा १० जनाको मृत्यु भएको छ ।
मृतक र घाइतेको संख्या बढ्न सक्ने सम्भावना छ ।स्थानीय प्रहरी कार्यालयले दिएको जानकारी अनुसार गोली चलाउने व्यक्तिको मृत्यु भएको छ ।
वालमार्ट स्टोर भित्र भएको उक्त घटनामा एक जना मात्रै संलग्न भएको बताइएको छ । त्यहाँको प्रहरीले घटनाको अनुसन्धान गर्दैछ ।
घटनापछि वालमार्टले ट्वीटरमा एक विज्ञप्ति जारी गर्दै भनेको छ, ‘भर्जिनियाको चेसपीक स्टोरमा भएको घटनाको खबर सुनेर हामी स्तब्ध भएका छौँ । हामी पीडित परिवार, समुदाय र हाम्रो टोलीका लागि प्रार्थना गरिरहेका छौँ । हामी कानुन व्यवस्था सम्हाल्ने एजेन्सीसँग मिलेर काम गरिरहेको छौँ र आफ्नो सहयोगीको मद्दत गर्ने कुरामा ध्यान दिइरहेका छौँ ।’
