शुक्र, अशोज ३, २०८१
२ वर्ष पहिले
मंसिर-१०, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ जना नयाँ संक्रमित थपिएका छन् । यो संगै नेपालमा संक्रमित हुनेको संख्या ११ लाख ५२ हजार १ सय ५४ जना पुगेको छ ।
२४ घण्टामा १ सय ६१ जनाको पिसिआर परीक्षण गर्दा कसैमापनि कोरोना पोजेटिभ देखिएन । हालसम्ममा ५९ लाख ७५ हजार ९ सय ४९ जनाको पिसिआर भएको जनाईएको छ।
२४ घण्टामा ३ सय ६५ जनमा एन्टिजन परीक्षण गर्दा १ जनामा पोजेटिभ देखिएको छ । हालसम्ममा १४ लाख ५६ हजार ३ सय जनाको एन्टिजन विधिबाट परीक्षण भएको जनाईएको छ ।
२४ घण्टामा २९ जना निको भएका छन् । कुल निको हुनेको संख्या ९ लाख ८८ हजार ५ सय ५८ जना पुगेको छ । नेपालमा कोरोना भाइरस संक्रमित निको हुने प्रतिशत ८६ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोनाबाट मृत्यु हुनेको संख्या शुन्य रहेको छ ।हालसम्म कोरोना भाइरसबाट मृत्यु हुनेको संख्या १२ हजार १९ जना पुगेको छ ।
हाल देशभर सक्रिय संक्रमितको संख्या २ सय ९८ जना रहेको छ।
