बुध, मंसिर ११, २०८१
२ वर्ष पहिले
पुस-१, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा संक्रमित हुनेको संख्या शुन्य रहेको छ । हालसम्म नेपालमा संक्रमित हुनेको संख्या ११ लाख ५३ हजार २ सय ३३ जना पुगेको छ ।
२४ घण्टामा १ सय ५९ जनाको पिसिआर परीक्षण गर्दा शुन्य संख्यामा कोरोना पोजेटिभ देखिएको छ । हालसम्ममा ५९ लाख ८४ हजार ४ सय ३३ जनाको पिसिआर भएको जनाईएको छ।
२४ घण्टामा ६ सय ८७ एन्टिजन विधिबाट परीक्षण गर्दा पोजेटिभ हुनेको संख्या शुन्य रहेको छ । हालसम्ममा १४ लाख ७० हजार ९ जनाको एन्टिजन विधिबाट परीक्षण भएको जनाईएको छ ।
२४ घण्टामा १ जना निको भएका छन् । कुल निको हुनेको संख्या ९ लाख ८८ हजार ९ सय ११ जना पुगेको छ । नेपालमा कोरोना भाइरस संक्रमित निको हुने प्रतिशत ८६ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोनाबाट मृत्यु हुनेको संख्या शुन्य रहेको छ ।हालसम्म कोरोना भाइरसबाट मृत्यु हुनेको संख्या १२ हजार १९ जना पुगेको छ ।
हाल देशभर सक्रिय संक्रमितको संख्या १४ जना रहेको छ।
