पौष २१, मुग्लिन
विद्युत आपुर्तिमा भएको समस्याका कारण अबरुद्ध बनेको मनकामना केबुलकारको मर्मत कार्य अन्तिम चरणमा रहेको छ । विद्युत सर्किट सर्ट भई सिस्टम प्यानलमा आगोलागी भएपछि केबुलकार सेवा गत पौष ११ गते देखि अबरुद्ध बनेको थियो ।

विद्युत प्राधिकरणको लापरवाहीको कारण सिस्टम प्यानल काम नलाग्ने गरी आगोले क्षति पु¥याएको हुँदा निर्माण कम्पनी अष्ट्रियाबाट सिस्टम प्यानल मगाउनुपर्ने भएकोले केही दिन सेवा अवरुद्ध हुन पुगेको मनकामना दर्शन प्रा.लि.का नायब महाप्रबन्धक उज्ज्वल शेरचनले जनाएका छन् । भोली देखि नै केबुलकार सेवा सञ्चालनमा ल्याउने उद्देश्यका साथ सिस्टम प्यानलको जडान कार्यमा प्राविधकहरूले काम गरिरहेकाे उहाँले बताउनुभयो ।

केबुलकार सेवा अबरुद्ध हुँदा मनकामना मन्दिर दर्शन गर्न आउने सयाैँ भक्तजनहरु आँबुखैरेनी, मुग्लिन, चेरेस लगायतको ठाउबाट मोटरवाटो प्रयोग गरेर मन्दिर पुग्ने गरेका थिए ।