मङ्ल, अशोज ७, २०८१
२ वर्ष पहिले
पुस-२५, चितवनमा १३७ थान जाली नोटसहित एक महिला पक्राउ परेकी छन् ।
इलाका प्रहरी कार्यालय टाँडीबाट खटिएको टोलीले आइतबार अपरान्ह ६ बजे कालिका नगरपालिका–१ की ४२ वर्षीया गंगा तामाङलाई जाली नोटसहित पक्राउ गरेको हो ।
तामाङले आफ्नो डेरा कोठामा खोटा मुद्रा (जाली नोट) संचय गरि जानी जानी बजारमा चलाउनका लागि लुकाई छिपाई राखेको अवस्थामा प्रहरीले उनलाई पक्राउ गरेको हो । उनको साथबाट रु.१००० दरका १३७ थान जाली नोट नियन्त्रणमा लिईएको छ ।
तामाङलाई मुद्रा सम्बन्धि कसूरमा म्याद थप अनुमती लिई थप अनुसन्धान भईरहेको चितवन प्रहरीले जनाएको छ ।
