आइत, पुस २७, २०८१
२ वर्ष पहिले
फागुन -२६, सि चिनपिङ लगातार तेस्रोपटक चिनियाँ राष्ट्रपतिमा निर्वाचित भएका छन् ।
शुक्रवार उनले अभूतपूर्व रूपमा आफ्नो तेस्रो कार्यकालको आरम्भ गरे । चीनको इतिहासमा पहिलोपटक कुनै एक व्यक्ति तेस्रोपटक राष्ट्रपति बनेको हो ।
सन् २०१३ मा सी पहिलोपटक राष्ट्रपति बनेका थिए । अनि सन् २०१८ मा उनलाई दोस्रोपटक राष्ट्रपति निर्वाचित गरिएको थियो ।
अहिले चलिरहेको संसद् सत्रमा नेसनल पिपुल्स कंग्रेसका प्रतिनिधिहरूले औपचारिक रूपमा सीलाई राष्ट्रपतिका साथै सेन्ट्रल मिलिटरी कमिसनका अध्यक्षमा निर्वाचित गरेका हुन् ।
