शनि, पुस २६, २०८१
२ वर्ष पहिले
चैत्र -८, अफगानिस्तानमा गएराति आएको भूकम्पमामा परी हालसम्म कम्तिमा ११ जनाको मृत्यु भएको छ भने सयौंबढी घाइते भएका छन् ।
राति १० बजेर १७ मिनेट हुँदा आएको भूकम्प ६.५ म्याग्निच्युडको भएको अमेरिकी भौगर्भिक सर्वेक्षण युएसजिएस) ले जनाएको छ । भुइँचालोको केन्द्रविन्दु अफगानिस्तानको राजधानी काबुलबाट ३०० किलोमिटर दुरीमा रहेको जुर्म भन्ने ठाउँमा थियो ।
भूकम्पको कम्पनका कारण आएका पहिरोले उत्तरी पाकिस्तानी सहर एबोटाबादमा सडकहरू अवरूद्ध भएको स्थानीयले बताएका छन् । भूकम्पको कम्पन पाकिस्तानदेखि भारतको राजधानी दिल्ली र उत्तर भारतका विभिन्न ठाउँमा महसुस गरिएको भारतीय सञ्चारमाध्यमले जनाएका छन् ।
गत वर्ष पनि अफगानिस्तानको उत्तरी क्षेत्रमा ६.१ म्याग्निच्युडको भुइँचालो जाँदा हजार जनाभन्दा बढीको मृत्यु भएको थियो ।
