शनि, पुस २६, २०८१
२ वर्ष पहिले
चैत्र-२८, राष्ट्रिय स्वतन्त्र पार्टी (रास्वपा)ले भोलि चितवनको इच्छाकामना कुरिनटारमा चुनावी आमसभा गर्ने भएको छ । रास्वपाले कुरिनटारको इच्छाकामना मन्दिरको प्रांगणमा बिहान ११ बजे आमसभा गर्न लागेको हो ।
चुनावी सभालाई सम्बोधन गर्न रास्वपाका पार्टी सभापति समेत रहनुभएका चितवन क्षेत्र नम्बर २ का उम्मेद्वार रबि लामिछाने र केन्द्रिय समितिका पदाधिकारीहरु आउने इच्छाकामना गाउँ कमिटीका सभापति जीत बहादुर थापाले जानकारी दिनुभयो ।
चुनावी सभा पश्चात कुरिनटार लगायतका ठाउँहरुमा घरदैलो कार्यक्रमसमेत गरिने उहाँले बताउनुभयो ।
