बिहि, अशोज २, २०८१
१ वर्ष पहिले
असार-१६, नारायणगढ–मुग्लिन सडकखण्डमा पुन पहिरो खस्दा सडक अवरुद्ध भएको छ।
चितवनको इच्छाकामना गाउँपालिका-५ मुग्लिन देखि २ किलोमिटर नारायणगढ तर्फ तुईन खाेला नजिक तीन नम्बर पुलमा राती ३ बजे पुन पहिरो जाँदा सडक बन्द भएको हो।
सोही स्थनामा बिहीबार मध्याह्नबाट अवरुद्ध भएको सडक शुक्रबार साँझ ५ बजेबाट मात्र सञ्चालनमा ल्याइएको थियो । पहिरो पन्छाएर सञ्चालनमा ल्याइएको सडकमा पुनः पहिरो खसी सडक अवरुद्ध भएको छ ।
अठ्ठाइस घण्टा लगाएर पहिरो पन्छाएसँगै रोकिएर राखिएका सवारी साधनलाई गन्तव्यतर्फ पठाउने काम भइरहेको समयमा पुनः पहिरो खसेसँगै यस सडक भएर यात्रा गर्ने यात्रु अलपत्र परेका छन् । पहिरो पन्छाउने काम सुरु गरिएको छ ।
देशको सबैभन्दा व्यस्त राजमार्गको रूपमा रहेको सडकमा दैनिक १० हजारभन्दा बढी सवारी आवतजावत गर्ने गर्दछन् ।
