शनि, अशोज ४, २०८१
१ वर्ष पहिले
असार-१८, बिहीवारदेखि पटकपटक बन्द हुँदै र खुल्दै आएको मुग्लिन–नारायणगढ सडक खण्ड फेरि बन्द भएको छ ।हिजो बेलुकीदेखि दुईतर्फी खुलेको सडक राति दुई बजेदेखि फेरि बन्द भएको छ ।
शनिवार राति ११ बजेबाट बन्द भएको सडक १९ घण्टा पछि पहिरो पन्छाएर सडक सुचारु भैरहेको बेला तुइनखोला नजिकै पहिलेकै ठाउँमा फेरि पहिरो खसेर सडक अवरुद्ध भएको हो ।
पहिरोसँगै खसेको ढुंगाले लागेर एउटा ट्रक सडक छेउमा पल्टिएको छ । ट्रक चालक सामान्य घाइते भएका र उनको मुग्लिनमा उपचार छ । पहिरोसँगै सडक छेउमा पल्टेको ट्रक हटाएपछि मात्रै गाडी सञ्चालन हुन सक्छ ।
पहिरो पन्छाउने डोजर तैनाथ अवस्थामा रहे पनि ट्रक हटाउने क्रेन पुग्न बाँकी रहेकाले सडक खुल्न समय लाग्ने भएको छ ।
छिनछिनमा भारि वर्षा हुने र पहिरो झरिरहने भएकोले पहिरो पन्छाएर सडक सञ्चालनमा ल्याउँदा पनि जोखिम कायमै रहने भएकाले मुग्लिन–नारायणगढ सडक खण्डमा सावधानीपूवर्क गाडी चलाउन इलाका प्रहरी कार्यालय मुग्लिनका कार्यालय प्रमुख विशाल तामाङले अनुरोध गरेको छ ।
