बिहि, अशोज २, २०८१
१ वर्ष पहिले
भदौ-२६,चितवनको इच्छाकामना गाउँपालिका वडा नं. ६ स्थित नाम्सिखोला पुलमा सुख्खा पहिरो खसेको छ । आज बिहान करिब साढे ६ बजेतिर पहिरो खसेको हो ।
पहिरोका कारण मुग्लिन–नारायणगढ सडक पूर्ण रुपमा अवरुद्ध रहेको सडक सुपरभाईजर इश्वर क्षेत्रीले जानकारी दिए ।
उनका अनुसार सडक डिभिजनको तैनाथ अवस्थामा राखिएको मेशिनद्वारा पहिरो पन्छाउने कार्य शुरू भैसकेको छ । माथिबाट सुख्खा पहिरो खसिरहेकाेले पहिरो पन्छाउन करिब २ घण्टा जति लाग्ने अनुमान गरिएको छ।
फोटो सौजन्य-सडक डिभिजन कार्यालय, भरतपुर
