आइत, पुस ६, २०८१
४ वर्ष पहिले
काठमाडौं, भदौ ३० । पछिल्लो २४ घण्टामा देशभर १ हजार ४५९ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा १ हजार ४५९ जनामा संक्रमित थपिएका हुन् ।२४ घण्टामा १० हजार ३७५ जनाको पीसीआर परीक्षण गरिएको छ ।
हालसम्म संक्रमित हुनेको संख्या ५६ हजार ७८८ पुगेको छ । उनका अनुसार देशभर सक्रिय संक्रमितको संख्या १५ हजार ७८९ रहेको छ ।जसमा संस्थागत आइसोलेशनमा ८ हजार १३९ र होम आइसोलेशनमा ७ हजार ६१० जना रहेका छन् ।
यस्तै पछिल्लो २४ घण्टामा १ हजार ६२ जना निको भएका छन् । कुल निको हुनेको संख्या ४० हजार ६३८ पुगेको छ ।
स्वास्थ्य तथा जनसंख्या मन्त्रालयका अनुसार कोरोनाबाट थप ११ को मृत्यु भएको छ । यो सहित नेपालमा कोरोना भाइरसबाट मृत्यु हुनेको संख्या ३७१ पुगेको छ ।
