शनि, मंसिर ७, २०८१
४ वर्ष पहिले
काठमाडौं– नेपाल टेलिकमले संविधान दिवसको अवसरमा विशेष अफर ल्याएको छ। कम्पनीले असोज ३ गतेलाई लक्षित गरेर अनलिमिटेड युट्युब, अनलिमिटेड फेसबुक र एड–अन प्याक अफर ल्याउन लागेको हो।
यही असोज २, ३ र ४ गते अनलिमिटेड युट्युब तथा अनलिमिटेड फेसबुक प्याक छुट्टाछुट्टै रु. ५५ प्रति प्याकमा खरिद गरी खरिद गरिएको मितिबाट ३ दिनसम्म प्रयोग गर्न सकिनेछ ।
साथै, अनलिमिटेड युट्युब र अनलिमिटेड फेसबुक प्याकमध्ये कुनै एक प्याक खरिद गर्ने ग्राहकले एड–अन प्याकको रुपमा रु. १५ मा १ जीबी डाटा प्याक खरिद गरी डाटा प्रयोग गर्न सकिने सुविधा समेत उपलब्ध हुनेछ । यो प्याक पनि खरिद गरेको मितिबाट ३ दिनसम्म प्रयोग गर्न सकिनेछ ।
संविधान दिवसका अवसरमा उपलब्ध गरिएका यी अफरहरु *1415*11# डायल गरी प्राप्त गर्न सकिने कम्पनीले जनाएको छ।
