बिहि, अशोज २, २०८१
४ वर्ष पहिले
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा १ हजार ४सय ९७ जना संक्रमित थपिएका हुन् । २४ घण्टामा ११ हजार ४ सय ४९ जनाको पिसिआर परीक्षण भएको छ । यो सँगै ९ लाख ५५ हजार ९ सय २३ जनाको पिसिआर भएको मन्त्रालयले जनाएको छ ।
हालसम्म संक्रमित हुनेको संख्या ६९ हजार ३ सय २ पुगेको छ । उनका अनुसार देशभर सक्रिय संक्रमितको संख्या १८ हजार ८ सय ३७ रहेको छ ।
यस्तै पछिल्लो २४ घण्टामा ४ सय ५७ जना निको भएका छन् । कुल निको हुनेको संख्या ५० हजार ४ सय २२ पुगेको छ । स्वास्थ्य तथा जनसंख्या मन्त्रालयका अनुसार कोरोनाबाट थप १७ को मृत्यु भएको छ । यो सहित नेपालमा कोरोना भाइरसबाट मृत्यु हुनेको संख्या ४ सय ४५३ पुगेको छ । त्यसैगरी क्वारेन्टिनमा ६५६५ रहेको छ ।
