सोम, मंसिर ९, २०८१
४ वर्ष पहिले
पोर्चुगीज तथा युभेन्ट्सका स्टार खेलाडी क्रिस्टियानो रोनाल्डोलाई कोरोना भाइरसको संक्रमण भएको पोर्चुगलको फुटबल संघले पुष्टि गरेको छ ।
पोर्चुगल फुटबल फेडेरेसन (पिएफएफ)ले जारी गरेको वक्तव्यअनुसार उनमा मङ्गलबार संक्रमण पुष्टि भएको हो।
संक्रमण पुष्टि भएपछि उनी राष्ट्रिय टिमबाट बाहिरिएका छन् । उनले बुधबार हुने स्वीडेनविरुद्धको खेल पनि गुमाउने भएका छन् ।
नेसन्स लिगमा फ्रान्स र पोर्चुगलबीचको खेल भएको केही दिनमा रोनाल्डोमा संक्रमण पुष्टि भएको हो । कोरोना संक्रमण पुष्टि भएको केही घण्टाअघि उनले आफ्नो टिमका साथीहरुसँग सेल्फी खिचेका थिए ।
