सोम, मंसिर ९, २०८१
४ वर्ष पहिले
एजेन्सी – शीर्षस्थानमा रहेको स्पेन युइएफए नेसन्स लिगका चौथो राउन्डको खेलमा युक्रेनसँग स्तब्ध बनेको छ । स्पेन घरेलु टोलीसँग १–० ले स्तब्ध बनेको हो । किभमा २० हजार समर्थकमाझ मंगलबार राति खेलिएको खेलमा स्पेनले घरेलु टोलीलाई दवावमा राखेपनि रक्षापङ्ति तोड्न सकेन ।
७६औं मिनेटमा सब्सिच्युट खेलाडी भिक्टोर टीसीगान्कोभले गोल गर्दै घरेलु टोलीलाई १–० को अग्रता दिलाए । उनले एन्ड्री यार्मोेलेन्कोको पासलाई नियन्त्रणमा लिदै गोलरक्षक डेभिड हे गेया अघि बढेको अवस्थामा गरेको प्रहार गोलमा परिणत भएको थियो । भिक्टोर ६५औं मिनेटमा ओलक्सान्डरको स्थानमा मैदान छिरेका थिए । स्पेनलाई स्तब्ध बनाउन घरेलु टोलीका भिक्टोर टिसीगान्कोभले दोस्रो हाफमा गरेको गोल नै निर्णायक बन्यो । यस्तै युक्रेनले गत महिना भोगेको हारको बदला लिएको छ । अघिल्लो महिना युक्रेन स्पेनसँग ४–० ले पराजित भएको थियो ।
खेल अवधि भर स्पेनले २१ प्रहार गरेतापनि गोल गर्न सकेन । २ वर्षको अवधिमा स्पेनको यो पहिलो हार हो ।
युक्रेनसँगको हारपछि पनि स्पेन लिग ‘ए’ ४ को शीर्षस्थानमा यथावत रहेको छ । स्पेनको ४ खेलबाट ७ अंक रहेको छ । समान खेलबाटै जर्मनी र युक्रेनको समान ६ अंक भएपनि जर्मनी दोस्रो तथा युक्रेन तेस्रो स्थानमा रहेको छ । स्वीट्जरल्यान्ड २ अंकसहित पुछारमा छ ।
