इण्डियन प्रिमियर लिग (आईपीएल) अन्तर्गत हिजो राती सम्पन्न दुबई अन्तर्राष्ट्रिय क्रिकेट मैदानमा दिल्ली क्यापिटल्सले राजस्थान रोयल्सलाई १३ रनले पराजित गर्दै मुम्बई इन्डियन्सलाई पछि पार्दै शीर्ष स्थानमा उक्लिन सफल भएको हो ।
टस जितेर पहिले ब्याटिङ गरेको दिल्लीले निर्धारित २० ओभरमा ७ विकेट गुमाउँदै १६१ रन बनाउन सफल भयो । दिल्लीका लागि शिखर धावन र श्रेयस अय्यरले अर्धशतकीय पारी खेले । ३३ बल खेलेका धावनले ६ चौका र २ छक्काको सहयोगमा ५७ रन बनाउन सफल भए ।
त्यस्तै ४३ बल खेलेका अ‍ैरले ३ चौका र २ छक्काको सहयोगमा ५३ रन बनाउन सफल भए । दिल्लीका लागि मार्कुस स्टोइनिसले १८ रन बनाउनदा आल्यक्स केरीले १४ रनको योगदान गरे । बलिङतर्फ राजस्थानका लागि जोर्फा आर्चरले सर्वाधिक तीन विकेट लिए । त्यस्तै जयदेव उतकन्डले दुई विकेट लिँदा कार्तिक त्यागी र श्रेयस गोपालले समान एक-एक विकेट लिए ।
१ सय ६२ रनको मध्यम लक्ष्य पछ्याएको राजस्थानले २० ओभरमा ८ विकेटको क्षतिमा १ सय ४८ रनमात्र बनायो ।
राजस्थानका लागि ओपनर जस बटलर र बेन स्टोक्सले क्रमश २२ र ४१ रन बनाए । त्यस्तै रोबिन उथप्पा ३२ र सन्जु स्यामसनले २५ रन बनाए । बलिङतर्फ दिल्लीको लागि एनरिच नोर्टजे र तुषार देशपान्डेले समान २\२ विकेट लिए । त्यस्तै कागिसो रबाडा, रविचन्द्रन आश्विन र अक्षर पटेटले एक-एक विकेट लिए ।
यो जितसँगै दिल्ली ८ खेलमा ६ मा जित र २ मा हार सहित शीर्ष स्थानमा उक्लिएको छ ।