सोम, पुस ७, २०८१
४ वर्ष पहिले
कार्तिक २१, स्वास्थ्य तथा जनसंख्या मन्त्रालयका पछिल्लो २४ घण्टामा २ हजार ९ सय ९ जना संक्रमित थपिएका हुन् । यो संगै नेपालमा संक्रमित हुनेको संख्या १ लाख ८८ हजार ८ सय ८३ पुगेको छ ।
२४ घण्टामा १० हजार १ सय ५३ जनाको पिसिआर परीक्षण भएको छ । यो सँगै १५ लाख १७ हजार ३ सय ४३ जनाको पिसिआर भएको जनाईएको छ ।
देशभर सक्रिय संक्रमितको संख्या ३४ हजार ९ सय ५ रहेको छ ।
पछिल्लो २४ घण्टामा ४ हजार ५ सय जना निको भएका छन् । कुल निको हुनेको संख्या १ लाख ५२ हजार ९ सय ८ पुगेको छ ।नेपालमा कोरोना भाइरस संक्रमित निको हुने प्रतिशत ८०.९ रहेको छ ।
स्वास्थ्य तथा जनसंख्या मन्त्रालयका अनुसार कोरोनाबाट थप १८ को मृत्यु भएको छ । यो सहित नेपालमा कोरोना भाइरसबाट मृत्यु हुनेको संख्या १ हजार ७० पुगेको छ ।
हाल क्वारेन्टिनमा १ हजार २ सय ५४ जना रहेको छ ।
