शुक्र, मंसिर ६, २०८१
४ वर्ष पहिले
मंसिर-१४,स्पेनिस ला लिगामा क्याटलान क्लब बार्सिलोनाले ओसासुनालाई घरेलु मैदानमा ४-० ले पराजित गरेको छ ।
बार्सिलोनाको सहज जितमा मार्टिन ब्रेथवेटले २९, एन्टोइन ग्रिजमनले ४२, फिलिपे कौटिन्होले ५७ र कप्तान लियोनेल मेस्सीले ७३ औ मिनेटमा गोल गरेका थिए । ला लिगामा नवौ खेलमा बार्सिलोनाको यो चौथो जित हो ।
मेस्सीले गोल गरेपछि खुसियाली मनाउने क्रममा आफूले भित्र लगाएको म्याराडोनाकै पुरानो जर्सी देखाएर उनलाई समर्पण गरेका थिए ।
जितसँगै बार्सिलोना ९ खेलबाट १४ अंक जोडेर सातौं स्थानमा उक्लिएको छ । पराजित ओसासुना १० खेलबाट ११ अंक जोडेर १५औं स्थानमा यथावत रहेको छ ।
