शुक्र, मंसिर ६, २०८१
४ वर्ष पहिले
मंसिर २६, चितवन
मुग्लिन नारायणगढ सडक खण्ड अन्तरगत चितवनको इच्छाकामना गाउपालिका वडा नंं ५ स्थित खहरे पुलबाट ट्रक खस्दा २ जना घाइते भएका छन् । रौतहटबाट इट्टा बोकेर काठमाण्डौ तर्फ आदै गरेको प्र.२–०३. ००१ ख ०७०९ नम्बरको ट्रक अनियन्त्रित भई पुलको बाया भागबाट करिब २० फिट तल खसेको ट्राफिक प्रहरी कार्यालय मुग्लिनका प्रहरी सहायक निरीक्षक युवराज बसौलाले जानकारी दिएका छन् ।
राति करिब २ः३० बजे भएको दुर्घटनामा परी घाइते भएका चालक र सहचालकलाई उद्धारपछि उपचारको लागि भरतपुर पठाइएको छ । दुर्घटनामापरी घाइते हुनेमा चालक जिल्ला रौतहट चन्द्रनिगाहापुर न.पा. वडा नं. २ बस्ने अन्दाजी वर्ष २६ का साजन परियार र सहचालक सोही स्थानका अन्दाजी वर्ष २४ का सुजन कँडेल रहेको र उनीहरुको अवस्था मध्यम रहेको प्रहरीले जनाएको छ ।
